Details

Written by: ደሞክራስያዊ ግንባር ሓድነት ኤርትራ(ደግሓኤ)

Published: 03 September 2024

Hits: 335

 ሎሚ መበል 63 ዓመት ታሪኻዊት ዕለት ባሕቲ መስከረም  ንዝክረሉን ነኽብረሉን ሃገራዊ በዓልና’ዩ። ደሞክራስያዊ ግንባር ሓድነት ኤርትራ (ደግሓኤ) ብዘቤታዊ ጸላኢ ዝተኾልፉ ገና ዘይተመለሱ መሰረታዊ ዕላማታት ባሕቲ መስከረም ‘ኳ እንተሃለው፡ በቲ ክቡር ባህልና ተገዚኡ እንቋዕ ናብ’ዚ ዕለት ኣብጸሓኩም ይብል። መበል 63 ዓመት ባሕቲ መስከረም 1961 ብጅግና  ሓምድ ኢድሪስ ዓዋተን ብጾቱን እምቢታ ንመግዛእቲ፡ ሃገራዊ ነጻነትናን ህዝባዊ ሓርነትናን ብቕልጽምና ዝብል ዘይምብርከኽ ግብረ መልሲ ዝተጀመረላ፡ ኣብ ተዘክሮ ህዝብታት ኤርትራ ፍሉይ ቦታ ዘለዋ ታሪኻዊት ዕለት’ያ።

 እንተኾነ ግን ባሕቲ መስከረም 1961 ናይ’ቲ ቅድሚኡ ክካየድ ዝጸንሐ 20 ዓመት ዝገበረ ሰላማዊ ፖለቲካዊ ቃልሲ፡ ብመልክዑ ዝተፈልየ ኣገባብ መቐጸልታ ‘ምበር፡ ናይ ነጻነታዊ ቃልስና መፈለምታ ዕለት ከምዘይኮነት ምግንዛብ የድሊ። ስትራተጂካዊ ዕላማታት ኣብ ምንጻር ዝነበሮ ሕጽረታት፡  ዘይጽፉፍ ውደባ፡  ዝገጥሞ ዝነበረ ውሽጣውን ግዳማውን ዕንቅፋት ተደማሚሩ፡ እቲ ሕቶ በቲ ዝጀመሮ ብሰላማውን ፖለቲካውን መንገዲ ኣብ ሕጋዊ መደምደምታ ኣይብጻሕ ‘ምበር፡ እቲ ቃልስስ ካብ መጀመርያ 40ታት’ዩ ጀሚሩ። ስለዚ ሓድሽ ወለዶ ነጻናታዊ ሕቶኡ ካበይ ተበጊሱ፡ እንታይ ዋጋ ሓቲቱ፡ መዓስ፡ ብኸመይ ክፍለጥ ኣለዎ። እቲ ቀዳማይ ትውልዲ ከኣ እቲ ዝነበረን ዝተገብረን ከየዛበዐ ከመሓላልፍ  ታሪኻዊ ሓላፍነት ከም ዘለዎ ተረዲኡ ክሰርሕ ይግባእ። 

Read more: ብምኽንያት ባሕቲ መስከረም ምጅማር ብረታዊ ቃልሲ ህዝቢ ኤርትራ ብደሞክራስያዊ ግንባር ሓድነት ኤርትራ ዝወጸ ውድባዊ መግለጺ።

Details

Written by: ደሞክራስያዊ ግንባር ሓድነት ኤርትራ (ደግሓኤ)

Published: 01 January 2024

Hits: 1051

ዓመተ 2023 ተዛዚሙ ዓመተ 2024 ሓደ ኢሉ ይጅመር ኣሎ። ዓመት  ናይ ግዜን ስራሕን መልክዒ’ዩ። ኣብ ውሽጢ ሓደ ዓመት እንታይ ክንሰርሕ ውጥን ነይሩና፡ እንታይ ኣዐዊትና፡ እንታይ ተሪፉና፡ መገምገሚ ውጽኢት ስራሕ ድማ’ዩ።  ኤርትራውያን ከም ውልቀ-ሰብ ዘይኮነ ከም ህዝቢ ን50 ዓመት ብእምቢታ ኣንጻር ባዕዳዊ መግዛእቲ ጸኒዕና ተቓሊስና። ኣብ ወርሒ ጉንበት 1991 ብሓይሊ፡ ብ1993 ብሕጊ ወነንቲ ሃገርና ብምዃን ሓደ ክፋል ካብ መሰረታዊ ሕቶና ስለ ዝመለስና ከም ነጥበ መቐይሮ ዝውሰድ’ዩ። ካብ ባዕዳዊ መግዘእቲ፡ ናብ ወነንቲ ሃገር  ስለ ዝተሰጋገርና፡ ኣብ መድረኹ ካብ ዓመት ናብ ዓመት እንቋዕ ኣብጸሓና ምብህሃል ግቡእ ነይሩ። ምኽንያቱ  ጭቡጥ ናይ ምስግጋር ለውጢ ስለ ዝገበርና።

Read more: ብምኽንያት ሓድሽ ዓመት 2024 ብደሞክራስያዊ ግንባር ሓድነት ኤርትራ ዝወጸ ውድባዊ መግለጺ

Details

Written by: Super User

Published: 18 October 2023

Hits: 984

ንዝኽሪ ስነ-ስርዓት ህላወን መንነትን ህዝቢ ትግራይ ንምውሓስ ኣንጻር ኩናት ብርሰት ህዝቢ ትግራይ ክቡር ህይወቶም ዝኸፈሉ ጀጋኑ ሰማእታት ትግራይ፡፡ ህዝቢ ትግራይ ኣብ ጊዜ ጽንኩር ኩነታት ኩናትን ወረ ኩናትን ኩሉ ዓቕምታቱ ጸንቂቑ ብጅግንነት ተዋዲቑ ህላወኡን መንነቱን ዘውሓሰን፣ ንስለ ሰላም ክብል ከኣ ዝኣክል መስዋእቲ ቀያሕትን ጸለምትን ጀጋኑ ደቁ ከፊሉ ሰላም ዘውሓሰን ደላይ ሰላም ምዃኑ ብንጹር ኣብ ባይታ ንህዝቢ ዓለም ዘርኣየን ዘመስከረን ኢዩ አንዳበልና ኣብዚ ጽንኩር ናይ መርድእን ሓዘንን አዋን ንመላአ ህዝቢ ተግራይ ጽንዓት ይሃብካ ንብል፡ ንኹሎም ጀጋኑ ሰማአታት ትግራይ ከኣ ዘለኣለማዊ ክብርን ዝኽርን ንምነ።

በዚ ኣጋጣሚ ከኣ፡ ዋላ’ዃ ክሳብ ሕጂ ብዕላዊ መንገዲ ዝተሓበረ እንተዘይኮነ ነቶም ብሰንኪ ጻሕታሪ ኩነት ስርዓት ህግደፍ ኣብ ዘይምልከቶም ኩናት ኢትዮ/ትግራይ ተጠቢሶም ዝሃለቑ መንእሰያት ኤርትራ መንግስተማይ የዋርሶም፣ ንወላድ መኻን ዝኾና ኣዴታት ኤርትራ ከኣ ጽንዓት ይሃበን ንብል።

ደሞክራስያዊ ግንባር ሓድነት ኤርትራ (ደግሓኤ)

ጥቅምቲ 15/2023።

Details

Written by: ደሞክራስያዊ ግንባር ሓድነት ኤርትራ

Published: 03 October 2023

Hits: 872

ህዝቢ ኤርትራ ብኣንጻር ዝነበሮ ናይ ሰላም፡ ደሞክራሲ፡ ልምዓት፡ ማሕበራዊ ፍትሒ ባህግታትን ዝኸፈሎ ኩለ-መዳዊ መስዋእትን’ዩ ኣጓኒፍዎ ዘሎ። ኢደ ወነናዊ እንኮ-ሰባዊ ዘቤታዊ ጸላኢ ብመደብ ብዝኽተሎ ዘሎ ኣድኪኻ፡ ኣርዒድካን ከፋፊልካን ግዛእ ጸረ-ህዝቢ ፖሊሲ፡ መሰረታዊ ሰብኣውን ደሞክራስያውን መሰላቱ ካብ ዝሓመቐ ናብ ዝኸፍአ ስቓይን መከራን እናተሰጋገረ፣ ብጉልባብ ምዕቃብ ነጻነትን ምውሓስ ልኡላውነትን ብጨካን ፋሽሽታዊ በትሪ ብጭውያን ቅንጸላን ብዙሓት ወገናት እናኸፈለ 32 ዓመት ተጓዒዙን ገና ይቕጽል ኣሎን።

Read more: ኣብ እዋናዊ ኩነታት ኣመልኪቱ ብደሞክራስያዊ ግንባር ሓድነት ኤርትራ ዝወጸ ውድባዊ መግለጺ