“ህዝብን ሃገርን ንምድሓን ኣብ ዝካየድ ዘሎ ቃልሲ መሪሕ ግደ ዝጻወት ሓያል ውድብ ንምህናጽ” ዝብል ጭርሖ ተሓንጊጡ ካብ 15-21 ጥቅምቲ 2009 ምስልሳሉን ብድምቀት ምዝዛሙን ኣብ መዓልታዊ ውዕሎ ጉባኤ ዜናዊ ፈነወታትና ክሕበር ምጽንሑ ይዝከር። ኣብ መዛዘሚ ዕለተ-ጉባኤ ከኣ ንመጻኢ ሰለስተ ዓመታት ዝመርሑ

ማእከላይ ባይቶ ግንባር ሃገራዊ ድሕነት ኤርትራ

ቀዳማይ ስሩዕ ኣኼብኡ ብዓወት ዛዚሙ፡

ቀዳማይ ጉባኤ ግንባር ሃገራዊ ድሕነት ኤርትራ “ህዝብን ሃገርን ንምድሓን ኣብ ዝካየድ ዘሎ ቃልሲ መሪሕ ግደ ዝጻወት ሓያል ውድብ ንምህናጽ” ዝብል ጭርሖ ተሓንጊጡ ካብ 15-21 ጥቅምቲ 2009 ምስልሳሉን ብድምቀት ምዝዛሙን ኣብ መዓልታዊ ውዕሎ ጉባኤ ዜናዊ ፈነወታትና ክሕበር ምጽንሑ ይዝከር። ኣብ መዛዘሚ ዕለተ-ጉባኤ ከኣ ንመጻኢ ሰለስተ ዓመታት ዝመርሑ 31 ምሉኣትን 3 ተጠባበቕትን ኣባላት ማእከላይ ባይቶ ብደሞክራስያዊ ኣገባብ ዝተመርጹ ኮይኖም ኣብ ቅድሚ ወከልቲ ተቓወምቲ ውድባት ኤርትራን ዕዱማት ኣጋይሽን ቀሪቦም ተላልዮም።

ድሕሪ ምዝዛም ቀዳማይ ጉባኤ ግሃድኤ፡ እቲ ብጉባኤ ዝተመርጸ ማእከላይ ባይቶ ግንባር ሃገራዊ ድሕነት ኤርትራ ከኣ ካብ 23-25 ጥቅምቲ 2009 ቀዳማይ ስሩዕ ኣኼብኡ ኣሰላሲሉ። ማእከላይ ባይቶ ግሃድኤ ኣብዚ ንሰለስተ መዓልታት ዘካየዶ ኣኼብኡ፡ ካብ ውሽጡ ንመጻኢ መድረኽ ትመርሕ ሓዳስ መሪሕነት ብደሞክራስያዊ ኣገባብ መረጻ ኣካይዱ፡፡ እዚ ከኣ 3 ዝኣባላታ ሰክረታርያ ባይቶን 7 ዝኣባላታ ፈጻሚት ኣካልን ኣቊሙ።

ማእከላይ ባይቶ ግንባር ሃገራዊ ድሕነት ኤርትራ፡ ኣብ ቀዳማይ ስሩዕ ኣኼብኡ ብዛዕባ ህልው ኩነታት ግሃድኤ ብደቂቕ ዓሚቕ ገምጋም ድሕሪ ምክያዱ፡ ኣገደስቲ ፖለቲካዊ ውሳኔታትን ንመጻኢ መድረኽ ክዕመሙ ዝግብኦም ናይ ቀረባን ርሑቕን መደባት ብዝርዝር ኣነጺሩ ንተግባራውነቱ ከኣ ንፈጻሚ ኣካል መምርሒ ብምሃብ ኣኼብኡ ዛዚሙ።

ቤት ጽሕፈት ዜናን ባህልን

ግንባር ሃገራዊ ድሕነት ኤርትራ

25 ጥቅምቲ 2009