ኣደ ንማንደላ ጅግና ወሊዳ//

 

ብሽም ገዛ ስመር ከምዚ ክብል

ናይ ሓዘን መግለጺ ክድውል

ኣቦ ህዝቢ ኢልካ ዶ ክውል

ንፋነወካ ክንዲ ብኽያት ብእልል//

 

ሓርበኛ ማንደላ

 ከም ቶም ዝሓለፉ

ታሪኽ ገዲፉ

ኣብ መበል 95 ዕድሚኡ ዓሪፉ//

ማንደላ ተኣሲሩ ምእንቲ ህዝቢ

ሓራ ወጺኡ ብህዝባዊ ናዕቢ

ምስ ወጸ ኮይኑ ዓለባ ልቢ

ሲሊቡ ናይ ዓለምና ቀልቢ//

 

ናይ ኣፍሪቃ ቀንደል

መብራህቲ ማንደላ

ብዘተ ብዋዕላ

እቕረ ዘባሃሃለ ንኹላ

ንሱድ ኣፍሪቃ ብጠቅላላ

ስኒት ጠሊ ገዲፍካላ//

 

ማንደላ

ሕጊ እንበር ዘይፈቱ ፈኸራ

ኣዕዋፍ ሰማይ ብረራ ብረራ

ከምዚ ኢልኪን ዘምራ

ኣቦ ፍትሒ ኣቦ ሰውራ

ዓሪፉ ኢልክን ንገራ//

ገረብ ብሓኽላ

ማንደላ

ኣቦ ሱድ ኣፍሪቓ ኩላ

ንሱድ ኣፍሪቓ

ቅሳነት ፈጢርካላ

ዓለም ብኣኻ ትዛረብ ኣላ//

 

ማንደላ ንፍትሒ ተኣሲሩ

ድሕሪ ምፍትሑ ኣብ ሃገሩ

ንፍትሒ ብዙሕ ጺዒሩ

ንዓለም መርገጹ ኣነጺሩ

ፍትሓዊ ምዃኑ ኣመስኪሩ//

 

ማንደላ ኣቦ ሰውራ

ከማኻ

መሪሕ ሲኢና ኤረትራ

ናብ ናኹራ

ቀይሮማ ጭፍራ //

ከማኻ ሓርበኛ

ንኤረትራዊያን ይፍጠረልና

ጠርኒፉ ዘቃልሰና//

 

ካብ ተቀማጦ ድያስፎራ

ደለይቲ ፍትሒተቀበል ዕንበባ


ማንደላ

ንተራፊ ምፍላይካ መሪር

ኣብ ዓለም ግን መን ይነብር

ኣምላኽ ዩ ዝወስድ ዝምሕር

ከማኻ ግን ንሓዋሩ ይዝከር

ታሪኽ ካ

ናብ ዉሉድ ወለዶ ይሳጋገር//

 

ኣቦና ማንደላ

ኤረትራዊያን ንብለካ

መንግስቲ ሰማይ የዋርስካ

ጽንዓት ንስድራ ቤትካ

ጠሊ ንኣፍሪቃ ሃገርካ

ደለይቲ ፍትሒ ደቅኻ

ብኸም ዚ ነፋንወካ//

 

ዓወት ነቲ ደም ዝነብዕ ዘሎ ህዝብና

ንዘላኣለም ክንዝክሮም ኢና

ንሰማእታትና//