እዋናዊ ዜናታት

ኣብ መርበብ ዘለዉ

We have 29 guests and no members online

ጉጅለ ህግደፍ ኣብ ውሽጢ ሃገርን ኣብ ወጻእን ገይረዮ ዝብሎ ህዝባዊ ኣኼባ፡  ትርጉም ዘለዎ ኣጀንዳ ከምዘይብሉ ምንጭታት ገሊጾም።

ከም’ቲ ልሙድ ኣካይዳኡ ኢሳያስ ኣፈወርቂ ካብ ዝሓደሮ ፖለቲካዊ ጭንቀት ተበጊሱ፡ ብዓቕሊ ጽበታዊ ደንበርበር፡ ንህዝቢ ኤርትራ ኣብ ኣርባዕተ ግንባራት ከፋፊሉ፡ ዕሱባት ኣዋፊሩ፡ ጎስጒሱ፡ ኣበራቢሩ መቃነይ ስልጣኑ ንምግባሩ ዝመደቦ ህዝባዊ ኣኼባ ዝሰመዮ ግዱድ ኣኼባ የካይድ ከም ዘሎ፡ እንተኾነ ግዳ፡ ትርጉም ዘለዎ ዛዕባ ዘይብሉ፡ ትእዛዝ ምሃብን ምቕባልን ምዃኑን ኣረዲኦም።

ብዘይካ’ቶም ፍሉጣት መንነቶም ኣሕሊፎም ዝሃቡ ሽዩጣት፡ እቲ ዝበዝሕ ኣብ መስኮት ተሌቪዥን ዝረአ፡ ኣብ ዘይፈልጦ ተባሂልካ ኣለኻ ካብ ላዕሊ ዝመጽአ ትእዛዝ’ዩ፡፡ ኣብ እከለ ዝተባህለ ቦታ ትርከብ እምቢ እንተበልካ ተሓታቲ ባዕልኻ ኢኻ ብዝብል ወተሃደራዊ ትእዛ ተገዲዱ ዝእከብ ምዃኑ፡ መራሕቲ ናይ’ቲ ኣኼባታት ኮይኖም ዝምደቡ ካድራትን ሓላፍትን፡ መንግስትና ኣብ’ዚ ጎደሎ ኣለዎ ዝብል ቃል ከምዘየምልቑ፡ ጸላእትን ተጻባእትን ዝብል ኣሰልቻዊ መግለጺ ብምሃብ፡ ህዝቢ ክገብሮ ዘለዎ ግዴታ ቀጢን ትእዛዝ ብምሃብ ከም ዝብተንን ኣረጋጊጾም።

ህግደፍ ካብ 5 ታሕሳስ 2017 ጀሚሩ ኣብ ልዕሊ ዝተፈላለያ ትካላት ናይ ምዕጻው ስጉምቲ ይወስድ ከም ዘሎ ተፈሊጡ።

ብዘይተጸንዐን ካብ ኣፍልጦ ናይ ቁጠባ ክኢላታትን ወጻኢ፡ ብሃውሪ ባጤራ ናቕፋ ምቕያሩን ካብ ባንክ ዝኣቱን ዝወጽእን ባጤራ ብምግዳቡን እቲ ኣቐዲሙ’ውን ትርጉም ዘለዎ ጎልበት ዘይጸንሖ ቁጠባ ኤርትራ መሊሱ ከም ዝተዳኸመ ዝፍለጥ ኮይኑ፡ እነሆ ድማ ሕጂ ኣብ ከተማ ኣስመራን ካልኦትን ንዝርከባ ዝተፈላለያ ናይ ውልቀ ትካላት፡ ምኽንያቱ ንጹር ብዘይኮነ ኣገባብ ብሓይሊ ይዕሽገን ከም ዘሎ ምንጭታት ይሕብሩ።

ገለ ካብ’ተን ዝተዓሸጋ ልዕሊ 60 ዓመት ዝገበራ ፍሉጣት ትካላት ፍሉጣት ከም ዝርከባአን፡ ብሰንኪ’ዚ ዓንዳሪ ስጉምቲ’ዚ ወንነቲ ትካላት፣ ሰራሕተኛታት እተን ትካላት ምስ ቤተሰቦም፡ ብዓቢኡ ከኣ ህዝቢ ግዳይ ከም ዝኸውን ገሊጾም።

 

ሚኒስትሪ ጉዳያት ወጻኢ ኢትዮጵያ ንክልተኣውን ካብኡ ዝሰገሩን

ዝምድናታት ወጻኢ ንምዕዋት ተሃድሶ ይገብር ኣሎ ተባሂሉ

ሚኒስተሪ ጉዳያት ወጻኢ ኢትዮጵያ፡ ብቕልጡፍ ዝለዋወጥ ዘሎ ዞባዊ ኣህጉራውን ዓለም ለኻውን ኩነታት ንምግጣም ዘኽእሎ፡ ናይ ተሃድሶ መደባት የካይድ ከም ዘሎ፡ ወሃቢ ቃል እቲ ሚኒስትሪ ኣቶ መለስ ኣለም ሓቢሮም ይብል ኣብ ዓይጋ ፎርም ብ8 ታሕሳስ 2017 ዝረኸብናዮ ዜና።

ሓላፍነት ብግቡእ ንምፍጻም፣ ዘጋጥሙ ዕንቅፋት ብብቕዓት ንምምካት፡ ጽቡቕ ኣጋጣሚታት ድማ ብግቡእ ንምጥቃም ዘኽእል ትካላዊ ቅርጻን ምምዳብ ሓይሊ ሰብን ከም ዘድሊ፡ እዚ ውጥን’ዚ ነታ ሃገር ይጠቕም’ዩ ተባሂሉ ንዝወጸ ስትራተጂ ኣብ ግምት ብምእታው ዝወጸ ምዃኑን የረድእ።

መንግስቲ ሱዳን ንዝወድቕ ዘሎ ክብሪ ባጤራኡ ንምሕላውን

ኣብ ዘሕጋዊ ምዝውዋር ገንዘብ ንዝተዋፈሩ ወገናት ንምቕያድ ይሰርሕ ከም ዘሎ ተገሊጹ

ካብ ግዜ ናብ ግዜ ናይ ምግዛእ ዓቕሙ እናንቆልቆለ ብዝመጽአ ባጤራኡ ኣብ ሻቕሎት ዝኣተወ መንግስቲ ሱዳን፡ ኣብ ሃገሩ ኣብ ዘይሕጋዊ ሸርፊ ወጻእን ሓዋላን ንዝተዋፈሩ ውልቀ ሰባትን ትካላትን ንምቁጽጻርን ንምቕያድን ሓድሽ ሕጊ ኣውጺኡ ይሃድን ምህላው ተፈሊጡ።

ሚኒስተር ፋይናንስ ሱዳን መሓምድ ዑስማን ኣል ሪካቢ ኣብ ዝሃቦ መግለጺ፣ ሱዳን ካብ ውሽጥን ወጻእን ንዝግበር ዘይሕጋዊ ምዝውዋር ገንዘብ ብደቂቕ ይከታተሎ ከምዘሎ ምሕባሩ፡ ሚኒስትሪ ውሽጣዊ ጉዳያት እታ ሃገር ሓሚድ ማናን ብወገኑ፡ ኣብ ወጻኢ ዝመደበሮም 37 ውልቀ ሰባትን ትካላትን ተለልዮም ከም ዘለው ብምንጻር፡ ሓደ ካብኡ ብመንገዲ ከሰላ ናብ ኤርትራ ዝኣቱ ዘይሕጋዊ ንግዳዊ ንጥፈታት ምዃኑ፡ መንግስቲ ሱዳን ቅድም ኢሉ በዚ ምኽንያት ኣብ’ታ ሃገር ንዝርከብ ኣምባሳደር ህግደፍ ጸዊዑ ኣዘራሪብዎ ምንባሩን ረድዮ ኤረና ብ8 ታሕሳስ 2017 ጸብጺባ።

ብካልእ ዜና፡ ኣብ ትሕቲ ሕብረት ኣፍሪቃ ኮይኑ ዝነጥፍ 6 ሽሕ ሰራዊት ኣብ ሶማል ኣዋፊራ ዘላ ኡጋንዳ፡ መንግስቲ ሶማል ብናቱ ዓቕሚ ጸጥታኡ ከኽብር ኣብ ዘኽእሎ ደረጃ በጺሑ’ዩ ካብ ዝብል ነቒላ፡ ደረጃ ብደረጃ ቁጽሪ ሰራዊታ ከተጉድሎ ምዃና፡ ኣብ ሶማል ሰራዊት ኡጋንዳ፡ ኬኒያ፣ ኢትዮጵያ፣ ጅቡቲ፣ ብሩንዲ፣ ሰራልዮን ዝተዋጽአ ኣስታት 30 ሽሕ ሓይሊ ዓቃቢ ሰላም ሰራዊት ተዋፊሩ ምህላውን ኤረና ወሲኻ ኣረዲኣ።

ፕረዚደንት ኣመሪካ ኢዮሩሳሌም ዋና ከተማ እስራኤል’ያ ክብል ዝሃቦ ኣፍልጦ፡ ንብዙሓት የዛርብ፡ ንፍሊስጤማውያን ድማ ግዳይ መቑሰልትን ሞትን ክኾኑ ከም ዝገበረ ይግለጽ ኣሎ።

ከም መራሒ ርእሰ ሓያል ሃገር፡ ብዝተጸንዐን ሓላፍነታዊ ኣግባብን ክመርሕ ኣይከኣለን ተባሂሉ ብብዙሓት እንኮለይ ብህዝብን ፖለቲከኛታት ኣመሪካ ዝውቀስ፡ ፕረዚደንት ኣመሪካ ዶናልድ ትራምፕ፡ ካብ ዋይት ሃውስ ብቴለቭዥን ኣብ ዘመሓላለፎ መግለጺ፡ ኣመሪካ ንኢዮሩሳሌም ከም ዋና ከተማ እስራኤል ኣፍሊጦ ብምሃቡ፡ኣብ መላእ ዓለም ሓያል ተቓውሞ ኣለዓዒሉ ከም ዘሎ፡ መሳኪን ፍልሽጤማውያን ድማ ግዳይ መቑሰልትን ሞትን ይኾኑ ኣለው።

ከም ጭቡጥ መግለጺ ናይ’ቲ ትራምፕ ዝወሰዶ ስጉምቲ፡ ኣብ ቴል ኣቪቭ ዝነበረ ቤት ጽሕፈት ኤምባሲ ኣመሪካ ናብ ኢዮሩሳሌም ክሰጋገር ከም ዝኣዘዘ፡ በዚ ዘይእርኑብን ዘይሓላፍነታዊ ትእዛዝ፡ ዛጊት 2 ፍልስጤማውያን ከም ዝሞቱ፡ ብኣማኢት ዝቑጸሩ ድማ ብፖሊስ እስራኤል ከቢድን ፈኲስን ጉድኣት ከም ዝወረዶም፡ ስለዚ ከኣ ዋና ጸሓፊ ውድብ ሕቡራት ሃገራት፡ መራሕቲ ኤውሮጳን ሓዊስካ ብብዙሓት ይኹነን ምህላው ማዕከናት ዜና ዓለም ይጽብጽባ ኣለዋ።

ብሓልዮት ደሞክራስያዊ ግንባር ሓድነት ኤርትራ ዝፍኖ። ድምጺ ሰላምን ደሞክራስን ኤርትራ፡ 11-12-2017

ሞድ የማን Mod Right sample subtitle goes here

This is the right module position, which is not using any module suffix.

To create a subtitle, separate the title input text in the module manager with an "|" character then enter your subtitle text.

ሰላም 1 Mod Bottom1 sample subtitle goes here

This is the bottom1 module position, which is not using any module suffix.

To create a subtitle, separate the title input text in the module manager with an "|" character then enter your subtitle text.

ቃለ መጠይቕ

Show Panel